August 1, 2021

නව නීතිපති අගමැති හමුවෙයි

<

මෙරට 48 වැනි නීතිපති ලෙස වැඩ භාරගත් ජනාධිපති නීතිඥ සංජය රාජරත්නම් මහතා ඊයේ (31) දින අරලියගහ මන්දිරයේදී අග‍්‍රාමාත්‍ය මහින්ද රාජපක්ෂ මහතා බැහැ දුටුවේය.

නීතිපති ධුරයේ වැඩ භාරගත් බව සැලකිරීමට පැමිණි ජනාධිපති නීතිඥ සංජය රාජරත්නම් මහතාට අග‍්‍රාමාත්‍ය මහින්ද රාජපක්ෂ මහතා මෙහිදී සුබපැතුම් එක් කළේය.

කොළඹ වරායට නුදුරු මුහුදේ ගිනි ගැනීමට ලක්වූ එම්. වී. එක්ස්ප‍්‍රස් පර්ල් නෞකාව සම්බන්ධයෙන් හා එමගින් සමුද්‍රීය පරිසරයට සිදුවී ඇති හානිය සම්බන්ධයෙන් ගන්නා ඉදිරි නීතිමය ක‍්‍රියාමාර්ග පිළිබඳව අග‍්‍රාමාත්‍යතුමා මෙහිදී අවධානය යොමු කළේය.

අදාළ නීතිමය පියවර කඩිනමින් ඉටුවනු ඇති බව කී නව නීතිපතිතුමා, පාස්කු ඉරිදා දින ත‍්‍රස්ත ප‍්‍රහාරයේ චූදිතයන් සම්බන්ධයෙන් කෙරෙන විමර්ශන කෙරෙහි ද විශේෂ අවධානයක් යොමුකර එම චූදිතයන්ට එරෙහිව කඩිනමින් නඩු පැවරීමට පියවර ගන්නා බවද කියා සිටියේය.

මෙහිදී නීතිපති දෙපාර්තමේන්තුවට අලූතින් ගොඩනැඟිල්ලක් ලබාදීම ගැන අග‍්‍රාමාත්‍යතුමාට සිය ස්තුතිය පළකළ නීතිපතිතුමා, අතීතයේ සිට නීතිපති දෙපාර්තමේන්තුව පිහිටා ඇති ගොඩනැ`ගිල්ල ඉතා පැරණි හා පෞරාණික වටිනාකමකින් යුත් ගොඩනැ`ගිල්ලක් වන බැවින් එහි අත්‍යවශ්‍ය ප‍්‍රතිසංස්කරණ කටයුතු සඳහා රජයේ සහය ලබා දෙන්නැයි අග‍්‍රාමාත්‍යතුමාගෙන් ඉල්ලා සිටියේය.

මිනීමැරුම් නඩු සම්බන්ධයෙන් කෙරෙන ලඝු නොවන නඩු කටයුතු මහෙස්ත‍්‍රාත් අධිකරණයේ විමසීමට ගැනීමේ දී ඒ සම්බන්ධව මෙයට පෙර නීතිපති දෙපාර්තමේන්තුවේ රජයේ නීතිඥවරුන්ගේ සහය ලබා ගැනීමේ ක‍්‍රමවේදය ක‍්‍රියාත්මක වුවත් දැනට එසේ නොවීම නිසා ඇතිව තිබෙන ගැටලූ පෙන්වා දී ඒ සම්බන්ධව අධිකරණ අමාත්‍යාංශය හා සාකච්ඡා කොට අවශ්‍ය පියවර ගන්නැයි නීතිපතිවරයාට අග‍්‍රාමාත්‍යතුමා උපදෙස් දුන්නේය.

අනුර බාලසූරිය

Leave a Reply

Your email address will not be published. Required fields are marked *